Vasskraft-utbygging ferdig i Sauda

I dag, tirsdag, foretar olje- og energiminister Terje Riis-Johansen den offisiell opninga av anlegga.

Heile kraftsystemet i Sauda-fjella er ombygt, men ingen nye dammar er bygt.

Betre utnytting

Johan Chr. Hovland, informasjonsdirektør i Elkem, opplyser at halvparten av ny kraft blir skapt på grunn av betre utnytting av same vasstilførsel som tidlegare.

Kraftanlegga i Sauda kan nå produsera årleg 1800 gwh. Heile 650 gwh er ny kraftmengde. Denne mengda tilsvarar to og ein halv gong kraftforbruket ved Eramet sitt smelteverk i Sauda.

Maskineriet i kraftanlegga har fått tredobla effekt til 356,5 megawatt.

Vil ha meir vasskraft

- Eg ønskjer meg fleire slike vasskraftutbyggingar der eldre vasskraftanlegg blir modernisert, effektivisert og utvida på miljømessig varsam måte, seier olje- og energiminister Terje Riis Johansen under omvisinga i det nye kraftanlegget vel ein kilometer inne i fjellet. Riis-Johansen legg til at meir vasskraftutbygging kan bli eit verdfullt bidrag til norsk industri sin kraftforsyning.

Stein Erik Hagen

Orkla eig 100 prosent av Elkem som eig 85 prosent av kraftselskapet Saudefaldene saman med Sunnhordland Kraftlag, som eig resten.

Styreleiar i Orkla, Stein Erik Hagen, deltok også på vasskraftopninga i Sauda. Hagen seier til Aftenbladet at han er glad for å få vera med på ei historisk hendig som dette. Hagen fryktar at Sauda-utbygginga kan bli ei av dei aller siste store vasskraftutbyggingar her i landet.

- Men dette er ei god investering som er langsiktig for oss som eigarar, seier Hagen. Han legg til at han likevel er ottefull for framtida til norsk kraftkrevjande industri.

- Den nye konsesjonslova svekker grunnlaget for vidare investeringar. Dessutan føler industrien uvisse rundt rammevikåra for denne typen industri i Norge, seier Hagen.

Anleggsstart i 2005

Fysisk oppstart av anleggsarbeidet skjedde i mai 2005. Utbyggingsplanane blei om lag halvert i høve til dei opprinnelege planane. To av kraftverka er nå alt i produksjon.

Mye arbeid har skjedd langt til fjells. Alt anleggsarbeid har skjedd ved hjelp av veglaus transport, med helikopter.

Store vanskar undervegs

2,1 milliardar kroner er nå investert inne i Sauda-fjella. Opphavleg var det planlagt å bruka 1650 millionar kroner i utbygginga. Overskridingar skal ha kome på grunn av saktare driving av tunnelar, på grunn av uventa store vasslommer under stort trykk, som dukka fram djupt inne i fjellet.

- Utbygginga er lønnsam under dagens kraftpris, seier informasjonsdirektør Johan Chr. Hovland i Elkem, som også er styreleiar Saudefaldene.

Avtale mellom Elkem og Statkraft om leige av vasskraftrettane i Sauda varer til 2030.