Prøvespising av aksjar

- Det er underleg at høgt gasjerte og høgt kvalifiserte personar i Statistisk sentralbyrå brukar tida på å laga slike reknestykke. Desse utrekningane viser at finanskapitaltenkinga har spreidd seg utover heile landet.

I blant tenkjer eg at slike folk burde prøva å spisa aksjar og sjå kor lenge dei kunne leva av slikt aleine.

Det var næringsminister Trond Giske som kom med denne sarkasmen under sitt foredrag til Energikonferansen i Haugesund.

Til Aftenbladet seier Trond Giske at mange miljø har gått for langt i å verdsetja arbeidet med finanskapital høgare en arbeid med realkapitalen rundt i dei mange bedriftene her i landet.

- Dette fører til vanvittige resonnement, seier Giske.

- Det finst rett nok mange verdfulle og innovative miljø, berdifter og arbeidsplassar i hovudustaden. Men eit slike reknestykke som Statistisk sentralbyrå nyleg har laga med å verdsetja desse langt høgare enn verdiskapinga elles i landet reknar eg for nærast verdilause utgreiingar, seier Trond Giske.

Han peikar på at både trøndarar og vestlendingar finn slike resonnement og verdsetjingar som grovt urettferdige.

- I Oslo har mange av dei store selskapa sine hovudkontor. Men produksjonen i desse selskapa skjer jo rundt i distrikta. Det er utnytting av naturressursane kring i dette landet som opp gjennom historia og i nåtida har bygt verdiane i dette landet, seier næringsminister Trond Giske.