Fra Brasil til oljekurs

Eit stort riggselskap i Brasil søkjer nå fagleg bistand hos Stavanger Offshore Tekniske skole.

- Dette er første gong me har besøk ein større delegasjon frå Brasil, som ønskjer partnerskap innan fagopplæring, seier dagleg leiar Øystein Førsvoll ved SOTS sitt kurssenter.

Fire representantar frå det brasilianske riggselskapet Odebrecht har gjennom ei heil veke vore på studieopphald ved SOTS. - Trongen for borepersonell er enormt i Brasil. om fem til ti år vil 150 riggar vera er i sving på Brasils sokkel, seier Cliveland Firminio, som er driftssjef i riggselskapet Odebrecht.

Enormt behov

Firminio legg til at behovet for ingeniørar og velkvalifiserte fagfolk generelt i Brasils oljeindustri er formidabelt, nær 240 000 dei neste ti åra.

Utdanning og trening er den verkelge store utfordringa, seier Cliveland Firminio. Me ser at SOTS vil kunne ha ei særs viktiog rolle å spela for oss. Dei har ekspertise og kompetanse til å utvikla system for opplæring og samtidig etablera ei plattform for god dokumentasjon av denne opplæringa, seier Firminio.

System og fagbrev

Operasjonssjefen i det brasilianske riggselskapet kan vidare fortelja at han fekk vera med på ein presentasjon hos konkurrenten Seadrill om vidareopplæring i jobb. - Dette var særs interessert. Me blei samtidig introdusert for SOTS og tilbodet her med ymse kurs på boredekket og ikkje minst med tryggleikskurs, seier Cliveland Ferminio.

- Situasjonen liknar litt på stoda her heime. Men i Norge og i Rogaland har me fått til eit bra system for nom ordninga med fagbrev. Kapasiteten her heime er likevel for liten. Men me kan hjelpa Brasil med strukturar, studiekrav og prosedyrar for gjennomføring, seier utdanning av borepersonell, mellom anna gjenFørsvoll.

Han seier vidare at SOTS har røynsle frå fleire land i Afrika som har fått hjelp til å driva opplæring.

Ut frå Stavanger

- Me sender lærarar ut frå Stavanger til å vera med å byggja opp utdanningstilbod. Det vil me kunne gjera også i Brasil. Brasil har eit bra utdanningssystem, men manglar tilbod, kapasitet og innhald i spesifikk opplæring til oljeindustrien. Riggselskapet Odebrecht har ambisjonar om å driva opplæring av eigne tilsette. Trongen for fagfolk er akutt. Det er difor aktuelt å laga "fast track" tilbod med relativt kort praksisperiode på vegen mot leiande borestillingar offshore. Simulatortrening kan erstatta ein del av arbeidspraksisen, seier Førsvoll.

Engelskopplæring

Han seier vidare at SOTS kan senda lærarar dit og lærarar frå Brasil kan koma til Stavanger for å få opplæring. - Dessutan vil me tilby forelesingar via videokonferansar og støtta opp etterpå med e-læring, seier Førsvoll.

- Men er engelskkunnskapane gode nok til at brasilianske elevar kan følgje slike opplegg?

- Trongen for engelskopplæring er også stort. Engelskopplæring bør difor innarbeidast i studieopplegget, seier Øystein Førsvoll.

Ikkje eigne avdelingar

Han legg til at SOTS har ikkje ambisjonar om å opna eigne avdelingar i Brasil. - Me vil hjelpa dei i gong med betre utdanning, gjerne gjennom partnerskap med ein skule i Brasil. Men målet er å overføra kunnskap slik at dei etterkvart kan stå på eigne bein, seier Førsvoll.