Brasil vil ha norske skip

Straks etter at Solstad Offshore i Skudeneshavn kunne melda om to langvarige kontraktar med det brasilianske statsoljeselskapet Petrobras, melder reiarlaget Havila også om ein ny kontrakt.

«Havila Princess» skal i første kvartal neste år starta på ein tre års kontrakt i Brasil.

DOF i Brasil

Same dag kan reiarlaget DOF (District Offshore ) i Austevoll melda om to nye kontraktar med Petrobras i Brasil. "Skandi

Stolmen" avsluttar denne månaden ein langsiktige kontrakt med Statoil og skal i slutten av neste månad på jobb i Brasil.

Det andre DOF-skipet som skal til Brasil "Skandi Captain", som tar til i arbeid for Petrobras neste år. "Skandi Captain" har nå kontrakt med Shell UK, heiter det i ei børsmelding frå DOF.

• Les også: Solstad veks i Brasil

Lokalt reiarlag

Tidlegare har dei to norske offshorereiarlaga Frastad og DOF hatt fleire skip i arbeid i Brasil. Desse to reiarlaga har skipa eigne dotterselskap i landet. Det same skal Solstad Offshore nyleg ha gjort.

- Dette er nødvendig for å kunne få kontraktar på Brasils sokkel. Utanlandske reiarlag får ikkje vera med i konkurransen, seier sjefen for Havila, Njål Sævik.

Havila har difor lagt inn tilbod gjennom eit lokalt selskap.

Brasiliansk mannskap

Njål Sævik seier vidare at krava i Brasil inneber at mannskapet om bord gradvis må skiftast ut til å bli brasiliansk. Dermed kan skipet heller ikkje segla under vanleg NOR-flag som på norsk sokkel.

Må skifta flag

- Vi kjem til å skifta flag til norsk internasjonalt skipsregister ( NIS) eller eit utanlandsk flag, seier Sævik i Havila.

Men han legg til at det norske mannskapet som i dag er om bord i «Havila Princess» ikkje blir arbeidslause men vil få oppgåver på Havila sine nye skip.