• Mens det var konfetti i lufta og god gang i Zetlitz-salen, begynte folk å gå frå Fartein Valen-salen før Spellemannshowet var over. Dei var leie av å sjå festen på TV.

    FOTO: Marie von Krogh

  • Dei smiler tappert, men er eigentleg skuffa. Kjell (t.h.) og broren Rune Karlsen hadde mest lyst å gå etter første akt i Spellemannshowet, men Kjells sambuar Karin Veen fekk overtalt dei til å prøva litt til.

    FOTO: Marie von Krogh

- Eg føler meg lurt

Mens store kjendisar og grandiose musikknummer gjekk på scenen i Zetlitz-salen, måtte publikum i Fartein Valen-salen nøya seg med dei smale sjangrane og sjå det meste av Spellemannshowet på storskjerm. Mange gjekk skuffa derifrå.

- Eg har betalt 550 kroner for å sjå på fjernsyn. Alt foregår jo i den andre salen, seier ein rasande Kjell Karlsen etter Spellemannshowet i Stavanger konserthus laurdag kveld. Og han var langt frå aleine om å vera skuffa og frustrert over kva dei fekk servert.

For mens publikum i Zetlitz-salen fekk sjå 15 spellemannsprisar bli delt ut, var seks prisar lagt til Fartein Valen-salen. I Zetlitz blei prisar som Årets spellemann, Beste popalbum, Årets hit, Beste musikkvideo, Årets rockealbum, Country, Vise og Tekstforfattar delt ut til folk som Kaizers, Karpe Diem, Sirkus Eliassen, Ida Jenshus og Tønes. Dei som sat i Fartein Valen – og som hadde betalt like mykje for billetten – fekk oververa utdelinga av heiderprisen til Karin Krohg, Jazzprisen til Sissel Endresen (ikkje til stades), Folkemusikkpirisen til Ottar Kåsa, Klassiskprisen til Leif Ove Andsnes (ikkje til stades), Samtidsmusikkprisen til Asamisimasa og komponistprisen til Eivind Buene.

Ville gå

- Nå har tre rogalandsartistar vunne Spellemann – og me har ikkje fått sett nokon av dei i levande live. Eg kom ikkje her for å sitja og sjå på Kringkastingsorkesteret (KORK), men for å sjå livenummer, sa Karlsen etter første akt. Både han og broren Rune hadde mest lyst til å gå på det tidspunktet, men etter å ha fått seg eit glas med noko godt i og lett tilsnakk av kone og sambuar i pausen, bestemte dei seg for å bli.

- Det er betre stemning her enn heime i stova. Og så er det jo større skjerm, sa ein håpefull Karlsen før andre akt starta.

Optimismen varte ikkje lenge.

Skeivdeling

For skeivdelinga mellom dei to salane heldt fram og var minst like synleg når det gjaldt kva artistar som opptrådte kor. Mens det var fest, glamour og heftig lysshow i Zetlitz-salen med artistar som Big Bang, Kaizers Orchestra, Maria Mena, Eva and the Heartmaker og Mikhael Paskalev, blei det totalt framført fire musikkstykke i Fartein Valen: Eit tolvårig fiolintalent frå Trondheim med KORK, Ole Paus med KORK, Moddi med KORK og Bugge Wesseltoft med KORK.

- Skuffinga mi handlar framfor alt om at eg ikkje har fått rett informasjon. Eg sto som nummer to i køen for å kjøpa billettar til Spellemannshowet, og kunne velja og vraka. Eg spurde kor ting skulle skje, og fekk beskjed om at det ville vera likt fordelt mellom begge salane. Nå føler eg meg lurt, seier Karlsen, som meiner han like godt kunne sett Spellemann heime på fjernsynsskjermen – til ein langt lågare pris.

- Billettane i Fartein Valen-salen burde vore gratis og for dei som ville sjå TV på storskjerm, seier Karlsen, som etterkvart slutta å applaudera for alt som blei TV-overført frå nabosalen.

- Det er meiningslaust å klappa til eit fjernsyn, seier Karlsen.

Vil sjå på fordelinga

Ansvarleg produsent for Spellemann-showet, Dag Hvaring i Dinamo Eyeworks, seier til Aftenbladet at fordelinga mellom dei to salane heng saman med logistikken i fjernsynssendinga og kva sjangrar som passar kor.

- Utgangspunktet vårt var at me ville dela ut alle prisane i tv-sendinga. Det blei mulig gjennom å bruka to salar. Det gjorde det også mulig å både ha rockenummer og symfoniorkester i same sending, seier Hvaring, som innrømmer at det var ei bevisst skeivfordeling mellom dei to salane.

- Men eg ser at me definitivt må sjå på denne skeivfordelinga til neste år, seier Hvaring.

Les også

Siste fra Kultur

  • The Salvation

    1 2 3 4 5 6

    Hva feiler det danskene – må de absolutt etterligne de mest bloddryppende regissørene når de skal lage film på engelsk?

  • Hobbiten - femhærerslaget

    1 2 3 4 5 6

    Den første Hobbiten-filmen var tværet ut til det langdryge, den andre var en visuell fest mens den tredje – Femhærerslaget – gir en verdig avslutning.

  • The Homesman

    1 2 3 4 5 6

    Regi: Tommy Lee Jones.
    Med: Tommy Lee Jones, Hilary Swank, David Dencik,
    William Fichtner, James Spader, Hailee Steinfeld, Meryl Streep,
    Grace Gummer, John Lithgow, Tim Blake Nelson med flere.
    USA/Frankrike 2014.
    2 timer 2 minutter.
    Aldersgrense: 15 år.
    Egnethet: Ungdom/Voksen.

  • Hest på balkongen

    1 2 3 4 5 6

    Med alle mobbehistoriene som fyller mediene, er det prisverdig med fortellinger som formidler at det er lov å være annerledes.

  • The Homesman

    1 2 3 4 5 6

    Westernsjangeren i tradisjonell forstand er oppbrukt, men sannelig finnes det historier igjen å fortelle fra den tida nybyggerne erobret prærien. "The Homesman" er en av dem.

Siste nytt

Siste 100 saker