PLUSS: - Noko av det eg syns var positivt, var at ein klarte å involvera distrikta, seier Elfin Lea (H), ordførar i Klepp.
Han trekkjer fram «Spor i sand» nede på Orrestranda som høgdepunktet for Klepp kommune. Garborgsitatet «No er eg heime att» blei skrive med runeskrift i sand, før 2700 barn frå jærkommunane kom inn med sine bidrag.
- Vi følte oss godt deltakande, seier Lea, og legg til at dei i tillegg hadde sitt eige supplement, kulturprosjektet«Spor», eit samarbeid mellom kommunane Time, Klepp, Hå og Gjesdal.
- 2008 har vore eit flott løft for kulturen på Jæren, slår han fast.
- Kjem «Spor» til å hala fram?
- Nei, dei andre kommunane har trekt seg ut. Klepp blei ståande aleine igjen, dermed blir det nedlagt. Dessverre. Eg ville gjerne ha framleis, eg meiner det hadde mange fordelar.
MINUS: Å setja fingeren på noko negativt syns han er vanskeleg
- For eg meiner det har vore noko for kvar ein smak her. Skulle ein trekkja fram noko negativt, må det vera dei som ikkje har mega seg til å oppsøkja det dei interesserer seg for.
KONKLUSJON: - Dei aller største opplevingane var utandørs. Som i Gloppedalsura, eller Haugtussavandringa.
- Det tyder kanskje på at nordmenn er lettare å trekkja ut på ting enn inn?
- Ja, det er noko der. Men det var verkeleg mange flotte opplevingar. Dei er det viktig å ta vare på, seier Lea.Sitat:
Skulle ein trekkja fram noko negativt, må det vera dei som ikkje har mega seg til å oppsøkja det dei interesserer seg for.
Ordførar Elfin Lea (H), Klepp
Bildetekst: Fornøgd: Elfin Lea.
Kommentarer