Den kamerunske bassgitaristen og vokalisten frå Afrika, Europa og USA stilte med band frå Latin Amerika og Karibia. Eit uvanleg publikumstekke, sjarm i bøttevis og musikalsk dugleik på eit utal strengerog instrument gjer at multikunstnaren Richard Bona går heim hos dei fleste.

Strålande musikarar

Bandet hans var denne gongen samansett av strålande jazzmusikarar, improvisasjonskunstnarar på kvar sitt instrument og med nærast like stor musikalsk lekelyst som einaren på scena, Richard Bona. Han ser ut til å trivast kvart minutt på scena. Sjølv om me som sit i salen vanskeleg kan forstå eit einaste ord av hans tekstar framført på morsmålet frå Kamerun, blir ein umerkande riven med i pur glede over fengslande god framføring og musikk.

Skiftande

Det svingar mektig og breidt med to blåsarar, piano og to virtuosar i bandet på kvart sitt trommesett. Brått skiftar musikk og uttrykk karakter til det særs rolege og vare, berre med den instrumentale kamerunske røysta og den spesielle bassgitaren til Richard Bona. På grunn av kluss i flysambandet og dermed utsetjing av konserten fekk underteikna diverre ikkje med seg meir enn ein halv time i konsertsalen.

Opnar konserthuset

Denne allsidige musikaren kan opplevast "live" i det nye konserthuset i Stavanger fredag 21. september. Bona blir ein viktig del av jazzkvelden i opningsveka. Saman med Bjergsted Jazzensemble skal Richard Bona utgjera finalen til den første store jazzkvelden i nytt konserthus.

Musikkprofessor

Bona er født i Kamerun, flytta seinare til Frankrike og vidare til USA der han starta tidleg å jobba med ein annen jazzbassgigant, Jaco Pastorius. Bona har i tillegg til eigne komposisjonar og band spelt med musikarar som Mike Stern, Pat Metheny og Harry Belafonte. Bona er også musikkprofessor i New York.