• Biblioteket på Sølvberget har fleire besøkande enn utlån. Kor mange går der for å lesa gratis aviser? Her er kulturhussjef Marit Egaas ved litt av utvalet i utanlandske aviser i 2009.

    FOTO: Knut S. Vindfallet

Stort fall i bibliotekutlånet

Utlånet ved biblioteka i Stavanger og Sandnes falt med 11 prosent i fjor, og med ni prosent på Bryne. I Stavanger fell utlånet dobbelt så bratt som besøket ved biblioteket.

Stavanger bibliotek lånte i fjor ut 718.500 bøker, filmar og cd-ar. Det er 11 prosent mindre enn året før, og på nivå med utlånet i 2008. Besøket på biblioteket falt med seks prosent, frå 904.314 til 846.493 frå 2011 til 2012.

I praksis er det dermed fleire som besøker biblioteket i Stavanger enn som låner noko der.

- Dette betyr at folk bruker biblioteket på andre måtar, seier kulturhussjef Marit Egaas på Sølvberget.

- Kva bruker dei biblioteket til når dei ikkje låner noko?

- Til å sitja å jobba, til å bla i bøker og blad, eller som ein møteplass. Biblioteket er ein av få stader der du kan opphalda deg ganske lenge før nokon lurer på kva du gjer her, svarer Egaas.

På besøk

Gratis Wifi, gratis aviser, opne opphaldsrom ser altså ut til å trekkja mange til Sølvberget.

- I storbyane er utlåna mindre enn besøket. På mindre stader er det motsett. Der inviterer ikkje alltid biblioteket til å bare vera der, seier Egaas.

Ho hadde venta nedgang i både besøk og utlån, sidan biblioteket i fjor i periodar både blei stengt på grunn av streik i mai, og sidan på grunn av ombygging i desember.

- Eigentleg er nedgangen i besøk mindre enn forventa, seier Egaas.

Musikk og film opplevde størst nedgang i utlån, men også for bøker er tendensen i fjor negativ.

Ned, ned, ned

Som Aftenbladet melde måndag, gjekk besøket på Time bibliotek opp med nesten 25 prosent i fjor, etter opninga av Garborgsenteret og med den franske kafeen tatt med. Men også på Bryne var det stor nedgang i utlånet, med heile ni prosent.

På Sandnes gjekk både besøket og utlånet ned i fjor, frå 234.033 besøkande i 2011 til 217.710 besøkande i fjor. Som i Stavanger gjekk utlånet ned med heile 11 prosent i Sandnes, frå 315.643 i 2011 til 281.579 i 2012. Biblioteksjef Helene H. Svihus meiner det store fallet i utlån framfor alt har å gjera med lågare innkjøpsbudsjett:

- Når me har mindre pengar å kjøpa inn bøker for, blir det færre eksemplar, lengre køar – og mindre utlån, seier Svihus.

Les også

Siste fra Kultur

Fakta

Utvikling i utlån og besøk ved Stavanger bibliotek 2008 – 2012.

           Utlån      Besøk

2012: 718.500 846.493

2011: 808.531 904.314

2010: 815.156 903.626

2009: 780.631 824.975

2008: 718.556 747.018

  • The Salvation

    1 2 3 4 5 6

    Hva feiler det danskene – må de absolutt etterligne de mest bloddryppende regissørene når de skal lage film på engelsk?

  • Hobbiten - femhærerslaget

    1 2 3 4 5 6

    Den første Hobbiten-filmen var tværet ut til det langdryge, den andre var en visuell fest mens den tredje – Femhærerslaget – gir en verdig avslutning.

  • The Homesman

    1 2 3 4 5 6

    Regi: Tommy Lee Jones.
    Med: Tommy Lee Jones, Hilary Swank, David Dencik,
    William Fichtner, James Spader, Hailee Steinfeld, Meryl Streep,
    Grace Gummer, John Lithgow, Tim Blake Nelson med flere.
    USA/Frankrike 2014.
    2 timer 2 minutter.
    Aldersgrense: 15 år.
    Egnethet: Ungdom/Voksen.

  • Hest på balkongen

    1 2 3 4 5 6

    Med alle mobbehistoriene som fyller mediene, er det prisverdig med fortellinger som formidler at det er lov å være annerledes.

  • The Homesman

    1 2 3 4 5 6

    Westernsjangeren i tradisjonell forstand er oppbrukt, men sannelig finnes det historier igjen å fortelle fra den tida nybyggerne erobret prærien. "The Homesman" er en av dem.

Siste nytt

Siste 100 saker