Hatlehol i hottentott-bråk

- Når ein vel å strø om seg med omgrep som dette, må ein vera klar over at det for enkelte handlar om djup miskreditt av det dei står for, seier norsk-marokkanske Malika Malouf Rasmussen i bandet Women's Voice.

Det var artisten Hanna Kvam somblei introdusert «ein villkatt som klorer deg i andletet», og poeten Vindtorn skal ha blitt introdusert som ein som hadde vore i Zululand og truffe hottentottar før. Hatlehol fleipa også om afrikanske menn sin tendens til ikkje å dukka opp til rett tid.

VIL IKKJE TILBAKE:
- Fleire av dei afrikanske artistane spurde meg etterpå «Kva er det vi gjer her?», seier Ramussen.

- Og fleire i Women's Voice seier at dei ikkje vil koma tilbake til festivalen, dersom dei blir inviterte.

Fleire artistar, både afrikanske og ikkje-afrikanske, skal nå ha bedt Afrikan Youth in Norway om å klaga saka inn for likestillings- og diskrimineringsombodet.

GJER IKKJE FOLK TIL OFFER:
- Eg har alltid kjend ubehag ved å gjera andre til offer, det er utgangspunktet mitt, seier Birgit Hatlehol sjølv.

- At afrikanske menn har ein tendens til ikkje å dukka opp, er basert på erfaringar den siste månaden. Og det har eg altså vitsa med dei om.

- Men det er vel ein forskjell mellom å fleipa om det på privaten, og å gjera det frå ei offentleg scene?

- Eg er sjølvsagt lei meg for at eg har krenka og støytt nokon med dette. Men eg har aldri opplevd liknande reaksjonar, eg er ikkje vant med det.

BØR LEGGJA SEG FLATE:
RV-politikar og journalist Liv Gulbrandsen, konferansier på det aktuelle arrangementet, forstår godt kritikken.

- Eg håpar Kapittellegg seg flate og ryddar opp i dette overfor dei som blei krenka.

Fungerande leiar ved Sølvberget, Hildegunn Birkeland, seier dei er i gang med dialogar for å få oppklart kva som har skjedd. Ho beklagar viss nokon som var tilstades føler seg støytt og såra.