Fødeloftet ved Stavanger Universitetssjukehus må ta sommarferie frå mai til september. Etter det, er det usikkert kva som skjer. Frå sjukehuset si side heiter det at dei er inne i ein prosess der detaljane ennå ikkje er klare, at dei handlar på oppdrag frå administrerande direktør, at dei må sjå på korleis dei best kan driva avdelingane etter dei ressursane dei nå har fått tildelt, og at målet er å gi det beste tilbodet til dei fødande innanfor desse rammene.
Alt saman språk ein kjenner igjen når store bedrifter kuttar i tilbodet.
Fødeloftet har vore eit alternativ til - og ei avlastning for - den vanlege fødeavdelinga. Her er det rolegare, og dei viktigaste hjelpemidla er tid og tett kontakt med jordmor.
Når tilbodet blir kutta, så betyr ikkje bare det at ei handfull svært friske kvinner ikkje lenger får velja kor dei vil føda. Samfunnspolitisk betyr det at ein ikkje anerkjenner fødslar som særleg viktig for fellesskapet og framtida. Det er, for å seia det forsiktig, eit underleg politisk signal.
Kommentarer