FORSKARANE ER SIKRARE
Påverka: Klimapanelet meiner med langt større tryggleik enn ved sist rapport, (9 av 10), at mange naturlege system på alle kontinent og nokre hav, er påverka av klimaendringar og temperaturauke.
Menneskeskapt: Når det gjeld spørsmålet om dei fysiske og biologiske endringane skuldast menneskeskapte klimaendringar, er sjansen 8 av 10, ifølgje klimapanelet. Mange rapportar som har kome dei siste 5 åra, gjer dei sikrare på dette.
FYSISKE ENDRINGAR
Flaumfare: Større og fleire sjøar under isbrear, med auka fare for flaumar.
Permpafrost: Redusert stabilitet i grunnen i fjell- og permafrostregionar. Fleire is- og steinras.
Arktis: Endringar i flora og fauna i Arktis og Antarktis.
Vårflaumar: Tidlegare og større vassføring i breelvar og frå område med snøsmelting.
Varmare: Dårlegare vasskvalitet i innsjøar og elvar pga. temperaturauke.
BIOLOGISKE ENDRINGAR
Tidlegare vår: Lauvsprett, fugletrekk og egglegging skjer tidlegare enn før.
Artsendring: Nye plante- og dyreartar trekkjer mot område som før var for kalde for dei.
Trekkjer mot polane: Meir og andre sortar algar, plankton og fisk i havområde ved høge breiddegrader.
Fiske: Fiskeartane startar vandringane tidlegare.
SAMFUNN ER PÅVERKA
Andre fakorar: Klimapanelet skriv at det er vanskelegare å slå fast korleis klimaendringane direkte har påverka menneskelege system og samfunn, fordi desse tilpassar seg og blir påverka av andre faktorar.
Erosjon: Blant effektane av regional temperaturauke som blir slått fast (med ein tryggleik på 5 av 10), er erosjon i nokre kystområde på grunn av auka havnivå.
Landbruk: Tidlegare vår på høgare breiddegrader har gitt endringar i landbruk og skogbruk.
Helseproblem: Menneske si helse er direkte påverka på ei rekke område: Fleire dødsfall på grunn av hete i Europa og Asia, meir infeksjonssjukdommar i nokre regionar og meir pollenallergi på deler av den nordlege halvkula.
Arktis: Livet til folk i arktiske strøk er påverka gjennom m.a. kortare sesongar for transport. Aktiviteten i fjellstrøk lenger sør blir også påverka.
