KrF vil frigje undergangar til tagging

STAVANGER: - Nei, eg er ikkje så naiv at trur dette vil føra til mindre ulovleg tagging og grafitti, seier Høyen.Aftenbladet møter ho i gangen under Lagårdsveien, like ved Strømsbroen. Dette er ein av mange undergangar i byen som er tilgrisa av tagging. Ho trur ikkje denne undergangen blir finare om folk med boks får sin eigen vegg i byen. Det er heilt andre grunnar til at KrF-politikaren, som sit i bystyret, kjem med framlegget.- Dei som driv på med dette må føle at dei blir tekne på alvor. Fleire hevdar at dette er kunst, og desse må få ein stad å utfalda seg, held ho fram. - Fint for ungdomLikevel, ho er ikkje heilt framand for at det kan ha ein førebyggjande effekt.- Kanskje unngår ein at nokre veggar blir tilgrisa i sentrum. Ingenting treng å vera uprøvd, men for dei som gjer dette for spaninga si skyld har nok dette tiltaket liten verknad.I første omgang vil Høyen stille to nye undergangar nedst i Madlaveien til disposisjon for grafitti-ivrige siddisar.- Dersom det syner seg å bli ein suksess er eg sjølvsagt open for å frigje fleire undergangar.På saumfaring i gangen under Lagårdsveien blir ho lite imponert.- Nei, dette er ikkje fint. Her er det jo berre signaturar til ulike taggarar, seier ho.Ho er budd på at ikkje alle vil lika at ungdomen får fritt spelerom i utvalde undergangar. Høyen er dessutan høgst usikker på om produktet vil falla i smak for ho sjølv.- Her skal ungdomen få laga det dei likar, ikkje nødvendigvis det andre tykkjer er fint. Men eg håpar det blir mykje fargar. Tagge-konkurranse?Korleis ein skal organisera tagging og grafitti i dei to undergangane i praksis, er Høyen usikker på.- Fritidsseksjonen må få det overordna ansvaret, men korleis ein skal gjera det utover det, har eg ikkje tenkt så mykje på. Kanskje kan det organiserast som ein konkurranse som blir gjenteken med jamne mellomrom? Ein kan dessutan få med fritidsklubbar, bydelshus og liknande som får med seg ungdom som har dette som livsstil.Ho peikar på at dei fleste i hennar eige parti er positiv til framlegget.- Også RV er positive, medan dei andre partia ikkje har teke stilling til det enno, seier Høyen.