Madlaveien Bofellesskap har ikkje betalt husleige på lang tid. Madlaveien Eiendom, eigd av dei to stiftarane av Madlaveien Bofellesskap, er dermed den største kreditoren i konkursen, med uteståande husleige på to millionar.
- Dessutan har stiftarene av Madlaveien Bofellesskap personleg hefta for ein driftskreditt i Sandnes Sparebank på 400.000 kroner, som dei no må gjera opp, seier Håland.
Eigarane av Madlaveien Bofellesskap, Johanne Vik Karachristianidou, og Hanne Aarhus, hadde begge ei skattbar inntekt på 1,1 millionar kroner i høve til skattetala i fjor.
Konkurs
Privat barnevern slit, landet over. I kjølvatnet av konkursen i Madlaveien
Bofellesskap har Aftenbladet fått ei lang rekke tips om alle dei som tener og har tent gode penger på privat barnevern. - Så langt ser eg ikkje noko kritikkverdig i konkursen. Selskapet hadde for store lønskostnadar i høve til oppdraga for staten - og dei kvidde seg for å permittera folk med naudsynt kompetanse, seier Håland.
Avvikla
I Haugesund sit Tom Krageboen, mannen bak Boen Kollektivet i Sandnes. Han enda med tre millionar i inntekt i fjor, i høve til skattelistene.
- Eg måtte avvikla Boen Kollektivet i fjor, fordi staten ikkje lenger gjorde det rekningssvarande å driva. Inntekta frå i fjor skuldast dels avviklinga og salet av alle verdiar frå Boen Kollektivet - og dels salet av andre aksjepostar.
Hadde eg tent tre millionar årleg på å driva barnevern, ville eg framleis ha vore i bransjen, seier Krageboen.
Mista godkjenning
Arild Vegrim, eigaren bak Vesterled, tente over fem millionar i 2002, men berre 309.000 kroner i fjor, i høve til skattelistene. Vesterled mista godkjenninga som privat barnevernsinstitusjon i fjor, etter fleire års krangel med Fylkesmannen i Rogaland.
Kommentarer