Ryfylke:

Ikkje spor etter jerveyngling

Det er konklusjonen til Statens naturoppsyn (SNO) som i vinter har følgd nøye med på jerven sine bevegelsar i Setesdal-Ryfylkeheiane.

Direktoratet for naturforvaltning (DN) har enno ikkje teke stilling til søknaden om skadefelling.

Men det er dokumentert jerv jamnleg i Lyse, Suldal-og Bykleheiane, opplyser SNO. Det er også regelmessig registrert meldingar om jervespor frå folk som har sett dette når dei har vore i heia, opplyser regional rovviltkontakt Jon Erling Skåtan. I september i fjor blei det avdekka betydelege skadar på lam i Lyseheiane og tilstøytande område. Det blei sett i gong lisensjakt på jerven frå september til februar, utan at noko dyr blei felt. Rogaland Sau og Geit søkte difor om løyve til skadefelling.

I utgongspunktet var DN ifølge SNO innstilt på at det skulle fellast jerv i området, om det blei funne ferske spor. Statens naturoppsyn sleit med vanskelege verforhald i veka før påske, men drog opp i heia att etter påske. Det blei då ikkje funne spor etter jerv i Lyseheiane.

Ryfylke:

Ikkje spor etter jerveyngling

Kjære debattant, vi vil gjerne ha engasjement, argumenter og dine synspunkter på sakene vi skriver om.