Torsdag behandla utvalet for landbruk, miljø og teknikk saka. Nokre dagar tidlegare hadde utvalsmedlemmene vore på synfaring på eigedommen.
Seks bygningar
Administrasjonen ville også at eit ulovleg oppført grillhus og ein garasje skulle rivast, men politikarane valde å godkjenna desse, med bakgrunn i at eigaren truleg ville fått godkjent bygging av desse.
Totalt har mannen sett opp seks ulovlege bygg og eit basseng. Det er søkt om dispensasjon for oppføring av molo. Men søknaden vart avslegen.
Dei to ulovleg oppførte nausta er i samsvar med reguleringsplanen på Foldøy. Etter tilråding frå administrasjonen vart byggesøknaden som vart innsendt i ettertid godkjend av politikarane.
Administrasjonen hadde sett gjennom fingrane med utbetring/fasadeendring av eit eldre bustadhus og eit uthus. For desse to tiltaka vil politikarane ha fullstendig byggesøknad.
Konferansesenter
Aftenbladet har ikkje lukkast å få kontakt med stavangermannen. Til administrasjonen i Suldal har han opplyst at utbygginga er del i ei langsiktig satsing på kurs og konferanse innan gastronomi og kunst. Han er no av kommunen utfordra til å komma med ein samla plan for dette prosjektet, som i følgje mannen har ei kostnadsrame på 30 til 50 millionar kroner.
Kan klaga
Utbyggaren har høve til å klaga på kommunens vedtak innan tre veker. Ein eventuell klage vil bli tatt opp att i kommunen før han blir sendt vidare til Fylkesmannen for endeleg avgjerd.
Endre Gjil seier at ein har få slike saker i Suldal og legg til at byggelovene gjeld både for Jørgen Hattemakar og Kong Salomo i Suldal. Det var eit par av kommunens tilsette som tilfeldigvis kom over dei ulovlege bygningane då dei var ute i eit anna ærend på Foldøy.
Dersom rivingsvedtaket blir ståande, må basseng, badehus, molo og anneks fjernast innan 31.desember i år, ellers risikerer eigaren tvangsmulkt/ og eller førelegg.
Kommentarer