I innstillinga gjekk dagleg leiar i Ryfylke iks, Nils Moldøen, inn for å løyva 3,5 millionar kroner til prosjektet over fire år. Styreleiar Torkel Myklebust var også positiv til Kunstnarvegen, men berre fire av 13 i styret gjekk inn for prosjektet.
Debatten før vedtaket var lang. Ifølge Myklebust var det to hovudmoment som gjekk att i ordskiftet. Mange tykkjer at det er for mange prosjekt knytta til vegen, og at desse manglar samordning. Ein tykte også at for mykje av pengane var øyremerka administrasjon, og ikkje kunst.
- Blei rassikring sett opp mot kunst i debatten?
- Ikkje i det heile tatt. Kunstnarvegen skulle vore eit prosjekt nesten utelukkande finansiert av pengar frå kulturinstitusjonar. Ein eigendel var det rettnok, men eg meiner uansett ein ikkje kan setja kunst og rassikring opp mot einannan, seier Myklebust og legg til at Ryfylke iks på neste møte vil drøfta om organisasjonen skal gå inn og forskottera rassikringsarbeid ved Tysdalstranda.
Kommentarer