Politiet gjekk sist veke ut med meldinga om at det truleg finst ein nokså stor cannabisfarm i ryfylkebyen og bad om tips frå folk som hadde sett noko mistenkeleg.
No konstaterer lensmann Odd-Bjørn Næss cannabisdyrkarane tilsynelatande har tatt innersvingen på politiet, og at ein får nøya seg med det ein har. To menn er sikta for produksjon, salg og bruk av cannabis. Politiet har også funne ein del planter og noko av stoffet som er framstilt. Vidare har ein sikra seg prov som syner ganske stor omsetting.
- Har farmen blitt flytta nyleg, trur du?
- Det er ting som tydar på at plantasjen har blitt flytta, men eg ønsker ikkje å spekulera i korleis dette er gjort.
- Trur du at denne farmen berre er toppen av isfjellet og at det finst fleire mindre produksjonsstader i hus frametter?
- Nei, det vonar eg ikkje, og eg meiner at det er det heller inga grunn til å tru.
LES OGSÅ:
Politiet jaktar på cannabisplantasje
Lensmann Odd-Bjørn Næss er glad for publikum sitt engasjement i leitinga etter cannabis-farmen, og trur saka har auka folks medvit rundt slike aktivitetar.
Politiet er spesielt interesserte i å få kontakt med folk som har sett uvanleg hektisk aktivitet med krukker og kar, lecakuler og plantejord. Blenda vindauge er også vanleg i hus som husar cannabis-plantasjar.
Kommentarer