Politiet jaktar på cannabisplantasje

Politiet i Strand trur at det finst ein cannabis-plantasje av ein viss storleik på Jørpeland, og ber publikum om å tipsa viss dei ser mistenkeleg aktivitet i eit hus eller i ein leilighet.

AV: heidi hjorteland wigestrand

Politibetjent Freddy Brosvik ved Strand og Forsand lensmannskontor fortel at ein torsdag ransaka husværet til to personar som ein mistenker har noko med cannabis-dyrkinga å gjera. Hjå den eine fann narkotikahunden i overkant av 70 gram cannabis. Det blei ikkje funne planter hjå nokre av personane under ransakinga torsdag. Brosvik fortel at vindauga ofte er blenda i hus kor det føregår slike lysskye aktivitetar. Plantane blir då forsynte med kunstig lys.

- Legg ein merke til stor aktivitet med krukker, lecakuler og plantejord utanfor eit hus, set me pris på om folk tek kontakt, seier Brosvik.

Han legg til at det ofte er ei sterk lukt av plantene, som lett vil kunna kjennast om ein kjem inn i hus som skjuler ein slik plantasje.

Freddy Brosvik fortel at ein har vore borti cannabis-plantasjar også tidlegare.

Det føregår også ei viss utskifting av plante-stader, reknar politiet med.

Politiet jaktar på cannabisplantasje

Kjære debattant, vi vil gjerne ha engasjement, argumenter og dine synspunkter på sakene vi skriver om.