Sandsjente tok bronse i bowling-NM

Jenta som ifølgje mora, Tone Mari Sand, berre trenar ein til to gonger i veka, konkurrer som oftast mot folk som trenar 4-5 gonger i veka.

Line Sand blir difor rekna for å væra eit særs stort bowlingtalent. Førebels likar ho å dela tida si mellom bowling, drama, synging og speidar, men dersom ho blir med frå juniorlandslaget i bowling frå neste år, reknar mora med at ho må trena noko meir.

Bronsevinnaren sjølv var ikkje heime då Aftenbladet snakka med Tone Mari. Ho var oppteken med ein av sine mange fritidsaktivitetar.

Mellom 100 og 150 deltakarar frå heile landet var samla til Junior-NM i bowling. Det blei konkurrert i fire klassar: yngre og eldre jente, yngre og eldre gut. Line Sand tevla i klassen yngre jente.

Vinnaren i denne klassen blei Celine Larsen, Askøy BC. Karoline Sæterhaug Helgesen frå Polar Team, Bodø tok sølv.