Snøraset på sørsida er rydda

To bilar med totalt fem personar vart natt til torsdag sittande fast mellom to snøras på riksveg 13 nær Røldal.

- I den eine bilen sit eit ektepar og ein tenåring. I den andre bilen sit ein far og hans 8 år gamle son, opplyser lensmann Øyvind Rosseland i Hardanger lensmannsdistrikt.

Les også

- Alt har gått bra

Klokken halv ett ser det ut til at det sørlige raset på det nærmeste er ryddet og bilene kan kjøres ut.

Dei rasfaste personane har stått på ein trygg plass i natt.

– Me har vore i kontakt med dei som sit i bilane i dag og dei har det heilt greitt, seier politioverbetjent Per Helge Sekse i Hardanger lensmannsdistrikt.

Skal koma ut i dag

– Me ventar no på geolog. Han bestemmer kva som skjer vidare. Me er nødt til å sjå området før me tør å sleppa inn folk. Eg vil tru me må opp i helikopter for å sjå, seier Magne Stange, Statens Vegvesen sin byggeleiar i Indre Ryfylke.

Ein geolog frå Bergen skal sjå på området for å vurdera om det er forsvarleg å iverksetja opning frå ein eller begge retningar.

– Geologen skal sjå om raset kan ryddast og vegen opnast. Så langt ser det positivt ut. Dersom det ikkje er mogeleg å rydda har me planlagt ein alternativ måte å frakta ut personane i bilane. Dei skal sleppa å tilbringa dagen mellom rasa, seier Rosseland.

Stange opplyser at geologen skal fraktast inn i området med helikopter til klokka 10.30. Ved 12.15-tida var altså snøraset på sørsida ferdig rydda og de to bilane kunne køyra vidare.

– Geolog har vore på staden. Entreprenørar får ikkje byrja oppryddinga i det nordlegaste raset på grunn av fare for nye ras. Raset på sørsida vil verta rydda. Eg trur ikkje det vil ta så lang tid å få ut dei to bilane, seier vaktoperatør Roger Lemme i Statens vegvesen i 12-tida torsdag.

Risikabelt

Bilane blei sittande fast rundt midnatt og måtte tilbringa natta og dei tidlege morgontimane torsdag i bilane mellom dei to rasa.

– Brøytemannskapa kjem ikkje til å gjera noko med rasa før det blir lyst torsdag morgon. Det blei vurdert som risikabelt å gå i gang mens det var mørkt, opplyser redningsleiar Owe Frøland ved Hovedredningssentralen for Sør-Norge.

– Det vert teke ei ny vurdering om når ryddinga av dei to rasa kan starta, seier vaktoperatør Jahn Marøy ved vegtrafikksentralen til Statens vegvesen torsdag morgon.

Det første raset gjekk ved Ekkjesvik på vestsida av Røldalsvatnet klokka 21.45. Neste ras gjekk ved Øvre Lonavatnet seks kilometer frå kommunegrensa mellom Odda og Suldal klokka 23.30. Dei to bilane var på veg frå Nesflaten-sida mot Røldal da dei først blei kom til Røldalsvatnet og oppdaga raset der. Da dei returnerte i retning Nesflaten, var vegen stengt også i den retninga – av raset ved Øvre Lonavatnet som nettopp hadde gått.

– Bilane er nå i Botnen i sørenden av Røldalsvatnet. Der blir dei verande til det er lyst torsdag. Me reknar med dei klarer seg gjennom natta, seier Frøland.