Nå tel den såkalla Ryfylke-alliansen 46 medlemmer. Men Skeiseid veit at potensialet ennå er stort, og ønsker fleire med under logo-paraplyen. Tanken bak merkevareprosjektet som blir drifta av Ryfylke IKS er å auka fellesskapskjensla i Ryfylke samt å gjera regionen meir kjenti den store verda.
– Skaper identitet
Under årets Arena Ryfylke-konferanse på Sand fortalde Skeiseid om arbeidet. Han bruk av logoen skaper identitet og rår fleire til å hiva seg på. Samstundes er han klar på at logoen forpliktar til kvalitet. Kjøkkensjef ved Spa-hotellet på Hjelmeland, har logoen brodert på kokkejakka. Det same har dei andre kokkane ved hotellet.
– Logoen vekker merksemd blant gjestene, seier Selvaag som tykkjer det er kjekt å vera med og fronta Ryfylke. Som kokk vonar han at omgrepet Ryfylkemat på sikt kan bli like kjent som Rørosmat og Valdres-mat i Norge. Men Selvaag meiner Ryfylke også har kvalitetar som kan måla seg med det beste internasjonalt.
– I Ryfylke har me mykje å spela på, flott natur og fine fjordar som husar fantastisk sjømat. Ryfylke kan bli det Toscana er for Italia, seier Selvaag utan blygskap.
For ei tid tilbake laga kokken ein fem rettars middag for 330 personar i Stavanger. Dei aller fleste ingrediensane kom frå Ryfylke, og det passa vertskapet på å nemna. Gjestene som kom frå heile landet, blei svært imponerte, både av kokkekunsten og av den iherdige merkevarebygginga vertskapet viste under presentasjonen av menyen, fortel Selvaag og Skeiseid.
– Bruk logoen
Tor Øyvind Skeiseid rår alle medlems-bedriftene til å bruka logoen med stort frimod. 4. desember vil merkevareprosjektet premiera den verksemda som har brukt logoen på den beste måten.
Årets Arena-konferanse er via næringsutvikling i Ryfylke. Forutan merkevareprosjektet har deltakarane fått høyra om føredrag av dagleg leiar i Ryfylke Iks, Odd Harald Olsen. Han snakka om nettverksbygging og kven som bør snakka saman for å få til best mogleg nøringsutvikling i regionen. Gründer Leif Magne Kleppas tema var kva det offentlege bør konsentrera seg om i tiltaksarbeidet.Siste del av dagens seminar er via Ryfylke si rolle i samarbeid med Stavangerregionen Næringsutvikling.
Konferansen går over to dagar. I morgon skal formannskapa i regionen møtast i eit såkalla «Ryfylketing». Då skal politikarane diskutera korleis ryfylkesamarbeidet mellom kommunane kan bli best mogleg. Tidlegare ordførar Svein Helgesen skal gjera rede for suksessfaktorar for interkommunalt samarbeid og eksrådmann Nils I. Korsvoll spør om ryfylkesamarbeidet er liv laga.
Kommentarer