Det er effektivt og humant for både jerv og sauer, meiner ordføraren i Suldal, Torkel Myklebust (Sp).
- Dersom fagfolk erkjenner at jerven står bak så store sauetap, bør styresmaktene gi bøndene ei handstrekning gjennom skadefelling, seier Myklebust.
Ikkje jakt
Førebels er det berre lov å jakta på jerven gjennom såkalla lisensjakt, som betyr vanleg jakt utan motoriserte hjelpemiddel.
Somme har reagert på at det er lov å fella dyr frå helikopter. Men viltforvaltar Anders Braa hjå Fylkesmannen stadfestar at det i visse tilfelle blir gitt løyve til bruk av helikopter når det dreier seg om skadefelling, som ikkje på nokon måte må samanliknast med jakt, presiserer han.
Braa uttalte til Aftenbladet fredag at bøndene har god tid på seg til å fella jerven gjennom den ordinære jaktperioden som strekker seg frå september til februar. Gunnar Kleppa frå Hjelmeland er ikkje samd i den påstanden.
Snø og lite lys
Han viser til at både november, desember og januar er snørike månadar med lite dagslys.
- I september er det ikkje mykje likare, for då vantar sporsnøen.
Litt seinare på hausten kjem snøen, men ofte i for små mengder til at ein kan bruka ski eller scooter, påpeiker Kleppa.
Braa er samd i at jervejakt er krevande tålmodsarbeid, men seier at det ikkje på nokon måte er umogleg å få tak i jerven på det viset.
- Uttellinga på lisensjakt på jerv har rettnok vore låg i regionen dei siste to åra, men kvart år blir det felt ein del rovdyr via linsensfelling i Norge, påpeiker viltforvaltaren.
Jakt-kurs
Han råder sauebøndene til å søka råd og kompetanse hjå Statens naturoppsyn (SNO). Dei hardast råka sauebøndene i Ryfylke manglar over 248 lam og 34 sauer denne hausten. Det er dokumentert at somme av dei daude dyra som er funne, er drepne av jerv.
Kommentarer