Lyse arbeider på spreng for å gi innbyggarar i Sjernarøy straumen tilbake. Det er spesielt kritisk for gardsbruk med mjølkemaskinar. Sjernarøy har vore utan straum sidan natt til søndag.
Kommunikasjonsrådgjevar Rolf A. Waldow i Lyse fortel at eit helikopter med ekstra mannskap og utstyr har dratt inn til Finnøy. Han reknar med at bøndene der inne har melka med hand eller brukt eige aggregat.
På Vassøy vil straumen bli borte sonevis natt til mandag fordi Lyse må koble ut straumen i påvente av ein ny transformator som er på veg frå Stavanger. Det er truleg snakk om intervallar på to timar.
Lyse jobbar heile natta for å få straumen tilbake til alle.
Elles har Lyse no skaffa folk straumen tilbake både i Frafjord, på Vassøy og på Byre og Sør Bokn. Sistnemnde stader har vore utan straum sidan laurdag kveld. På Vassøy har ein sett inn aggregat sidan Lyse ventar ei enorm belastning idet folk får straum att.
Enkelte hytter og eit gårdsbruk på Sjernarøy er fortsatt utan straum. Det same gjeld eit hyttefelt på Bergsagel.
Kommentarer