Av dei 686 kontrollerte, fekk 28 personar gebyr for å ha droppa bilbelte.
- Fire prosent er veldig høgt, då vi brukar å ligga rundt to prosent. Under dei ekstreme køyreforholda i dag tidleg, er dette svært skremmande. Det var stor fare for utforkøyring og kollisjonar, seier avdelingsingeniør Cato Roland i Statens vegvesen.
Ein småbarnsfamilie med to born vart stoppa.
- Ingen av foreldra hadde bilbelte. Mora sat i baksetet, med minste mann på seks månadar på fanget. Den eldste sonen på fem sat også laust, fortel Roland.
Foreldra fekk kvart sitt gebyr på 1500 kroner. Faren vart meldt til politiet for manglande sikring av born under 15 år.
Bilbeltekontrollen vart haldt i Skippergata på Hana og fylkesveg 44 på Lura, fredag kl. 09.30-14.00.
- Eigentleg har me hatt ein nedgang når det gjeld slurving med bilbelte. Dette skyldast at gebyrsatsen steig frå 750 til 1500 kroner, fortel Roland.
I tillegg fekk ein sjåfør fekk køyreforbod inn til kjettingar var på plass, og ein mangla førarkort under kontrollen.
- Det er krav på kjettingar på alle køyretøy som har tillate totalvekt over 3500 kg. På eit vogntog der bilen har ei tillate totalvekt over 3500 kilo, skal ein ha sju kjettingar, avsluttar Roland.
Kommentarer