Glede over bra årsmøte blei til sjokk

Desto større var sjokket då meldinga om ei anmeldt valdtekt kom, fortel Østebø som var den som foreslo for partileiinga at dei burde leggja møtet til Suldal.

Gleda blei kortvarig

Styret tok henne på ordet og 70 venstrefolk samla seg på Ryfylke Fjordhotell i helga til møte, turar, god mat og sosialt samvær.

Sjølv ante Østebø ingenting om valdtektsiktinga av Helge Solum Larsen før tysdag kveld. Til dess hadde ho kjent på gleda over eit godt gjennomført årsmøte som hadde fått mykje skrøyt frå deltakarane.

Sjokk og vantru

- Det var mest så eg ikkje ville tru det var sant med det same. Det er veldig trist at eit elles flott, hyggeleg og vellukka årsmøte blir overskygga av ei slik trist sak, seier Nina Østebø.

Ho fortel at ingenting på laurdagskvelden bar bod om det som ville skje seinare på natta.

Høyrde ingenting

Østebø fortel at folk kosa seg og prata, og at alt gjekk stilt og roleg for seg.

Dei fleste tok kvelden i 01.30-tida. Østebø overnatta også på hotellet, men høyrde ikkje noko seinare på natta i samband med det som skal ha skjedd.

Ho trur ikkje partiet Venstre vil ta skade av det som har skjedd og stolar på at veljarane skil partiet frå denne hendinga. Ho kjenner ikkje den 17 år gamle jenta som anmelde valdtekta, men Solum Larsen har ho stifta bekjentskap med gjennom sitt virke som politikar.

- Nå må me berre la denne saka gå sin gong, deretter kjem kvardagen att og me må gå vidare, seier Østebø, som ikkje har mista lysten til å driva politikk etter hendinga.