Kvifor? Solhjell grunngav det slik:
- Toyota etterspør kreativitet når dei skal tilsetja bilmekanikarar. Bortimot alle stillingsannonsar gjer det. For å gjera nye oppdagingar, krevst kreativitet. Albert Einstein tenkte nytt. William Shakesspeare kunne skriva, men han var også usedvanleg kreativ. Utan dei som følgjer sin kreativitet, stoppar samfunnet opp.
Vekstnæring
Så til grunn nummer to:
-Kunst- og kulturnæringane blir det lagt for lita vekt på. Det er ei av dei næringane som veks sterkast i Norge. Næringa sysselset 100 000 menneske, og er altså like stor som reiseliv, sa Solhjell.
Lærer meir
Grunn nummer tre:
- Professor Ann Damford har skreve ein stor rapport for Unesco: Den viser at det er særleg tre land som gjer det spesielt skarpt innan kunst og kultur i skulen. Det er Sør-Korea, Finland og Canada. Dei tre ligg høgaste på Pisa-undersøkinga. Det er ein interessant samanheng. Rapporten viser også at elevar som gjer det sterkt og har godt tilbod i kreative fag, også får betre resultat i andre fag. Fordi det gir dei ei oppleving av meistring. som igjen gir elevane større sjøltillit som dei tek med seg til ekstra innsats i andre fag. Dei blir sett på annan måte av andre elevar og lærarar: Jøss, her var det noko! sa Solhjell. Kjem ikkje av seg sjøl:
- Det er ikkje slik at kreativitet bare veks på trær. La dei tusen blomar, bløma, blir det sagt. Ja, men me må gjera noko for at det skjer, avslutta kunnskapsministeren.
Kommentarer