Fryktar smitte frå bursdag

Hjernehinnebetennelse kan ha smitta i ei bursdagsfeiring.

- Ungdomar frå Stavanger og Sandnes som er i venekretsen til dei to sjuke han ha møtt kvarandre i ei bursdagsfeiring i Stavanger. Me har ingen bevis, men me har mistanke om at det kan vera samanheng mellom dei to tilfella, seier kommuneoverlege Hans Petter Torvik i Sandnes.

Kommuneoverlegen forklarer at dette kan ha samanheng med at personar kan vera berarar av bakterien meningokokkar utan sjølv å vera sjuk. Sjukdommen bryt ut to til ti dagar etter personen er smitta.

Verken 19-åringen som døydde eller 17-åringen som er smitta deltok i bursdagen. Den aktuelle bursdagsfeiringa skjedde etter 17-åringen var smitta, men før 19-åringen vart det.

- Det er liten fare for at ungdommane som deltok på festen vert sjuke sidan det har gått meir enn inkubasjonstida på ti dagar, seier Torvik.

Same bakterie, kan ha ulik stamme

Hjernehinnebetennelse er delt inn i fleire grupper. Både 19-åringen og 17-åringen er smitta av gruppe C-bakterien. Det har blitt fleire hjernehinnebetennelsar som høyrer til gruppe C dei siste åra. I 2004 var det fem tilfeller medan det i 2010 var dobla til 10. Gruppe B er den vanlegaste hjernehinnebetennelsegruppa, men førekomsten har gått ned frå 27 tilfelle i 2004 til 13 i 2010.

- Prioriter pengar til vaksine

Russen bør prioritera å vaksinera seg mot hjernehinnebetennelse, sjølv om dei må betala vaksinen sjølv.

I kvar bakteriegruppe er det fleire ulike typar. Mikrobiologar har sendt bakteriane til Folkehelseinstituttet i Oslo for å finna ut om dei to tilfella kjem frå den same stamma innanfor gruppa. Analysen av desse kan ta fleire veker.

- Målet er å bekrefta eller avkrefta om det er den same bakterien i begge sjukdomstilfella. Det er ikkje sikkert me kjem lenger i å finna samanhengen, men det gjenstår å sjå når prøvane er klare, seier seksjonsoverlege Jon Suldal i Helse Stavanger HF.

Smittevernoverlege i Stavanger Janne Dahle-Melhus seier at det sjeldan er fleire enn eit tilfelle av hjernehinnebetennelse om gongen.

- Den statistiske risikoen for at det skal koma fleire utbrot er låg. Men ettersom det har vore to tilfelle på kort tid, er beredskapen høg.

Alltid nokon berarar

Russen mener vaksinen er for dyr

Russen blir forvirret av ulike vaksinepriser og -typer, og noen sier at de ikke har råd til å bli vaksinert. Smittevernoverlegen er også skeptisk til gruppevaksineringene de blir tilbudt.

Til ei kvar tid er mellom fem og 10 prosent av innbyggjarane i Noreg berarar av bakteriane. Dermed kan sjukdommen bryta ut om bakteriane byter hals ved til dømes å drikka av same flaske eller glas. Ungdom mellom 15 og 25 år er mest utsette, men sjukdommen kan bryta ut i alle aldersgrupper. Det var vanlegare å få hjernehinnebetennelse før, og sjukdommen har hatt fleire toppar, seinast på 1980-talet.

- Ein smitteberar treng ikkje merka sjukdommen. Bakterien er ein del av den normale svelgfloraen, og det er alltid nokon som har han, seier kommuneoverlege i Sandnes, Hans Petter Torvik.