Meiner eigen klimapolitikk stagnerer: – Lofoten overskuggar alt

Rogaland Arbeiderparti stiller seg bak kompromisset om konsekvensutgreiing av Lofoten. Torstein Tvedt Solberg (Ap) meiner saka har tatt så mykje plass at politikken stagnerer.

Torstein Tvedt Solberg (Ap) synes partiet har brukt for mange krefter på å krangle om Lofoten, Vesterålen og Senja.
  • Birgitte Flote
    Birgitte Flote
    Journalist
Publisert: Publisert:
iconDenne artikkelen er over fire år gammel

– Dette er eit Vestlandsopprør, seier stortingsrepresentant Torstein Tvedt Solberg om forslaget som Stavanger Ap har fremja på Arbeiderpartiet sitt fylkesårsmøte i Haugesund denne helga.

Forslaget med tittelen «krav til en mer kraftfull olje- og energipolitikk», set opp elleve krav til olje- og energipolitikken i partiet. Forslaget fekk overveldande fleirtal under avstemminga søndag.

Mellom anna vil dei etablere lagringsanlegg for CO2, lage nasjonal plan for havvind, plassere Fornybarfondet i Stavanger, men samtidig auke utvinning av olje frå felt (Sjå alle punkta nedanfor).

– Olje må framleis vere ein stor del av norsk industri. Samtidig er olja svaret på kva som er den nye olja, for der ligg teknologien ein treng for å utvikle fornybart og utvikle CO2- lagring, seier Tvedt Solberg.

  • LES OGSÅ: Denne veka søkte Statoil om å få opprette fullskala annlegg for lagring av CO2.

– Overskugger andre saker

Tvedt Solberg meiner saka om oljeboring i Lofoten, Vesterålen og Senja har tatt så mykje plass internt i partiet at olje- og klimapolitikken stagnerer.

– Lofoten har blitt den store oljediskusjonen som overskuggar alt anna. Det er synd å begrense det slik. Vi har behov for å diskutere andre saker, og får ikkje utvikla klimapolitikken vår på andre område.

Samtidig handlar to av punkta i forslaget nettopp om oljeboring utanfor Lofoten. Desse er formulert likt kompromisset: Ein vil konsekvensutgreie Nordland 6. Områda Nordland 7 og Troms 2 vil ein derimot avvente. Vidare vil dei opne for frie soner.

Nokre få gjekk imot kompromisset og stemte for AUF sitt alternative forslag om å ikkje konsekvensutgreie nokon av områda utanfor Lofoten.

Snuoperasjon i Høyre etter skatteopprør
Her møter Jonas Gahr Støre demonstrantar før han går til fylkesårsmøtet.

Støre ikkje einig

Partileiar og statsministerkandidat Jonas Gahr Støre er ikkje samd i at saka overskuggar andre saker.

– Det er ei stor sak som vekker engasjement. Eg vil ikkje gjere store saker mindre. Men det kan godt hende der er saker som får for lite merksemd som fortenar meir merksemd, seier han til Aftenbladet.

Før møtet tok til, møtte han Natur og Ungdom og Besteforeldrenes klimaaksjon. Dei forsøkte å overbevise han om å stemme imot forslaget, og heller stille seg bak AUF- alternativet. Kritikarane meiner kompromisset er lite hjelp i så lenge ein faktisk opnar deler av området.

– Programkomiteens såkalla kompromissforslag er i realiteten ein krigserklæring mot fiskarane dei mest sårbare naturområda vi har. Det nærmaste oljefunnet ligg berre 15 kilometer frå fuglefjellet på Røst. Det er reine vanvidd, seier nestleiar i Natur og Ungdom Gaute Eiterjord i ei pressemelding.

Under debatten laurdag var det mange som snakka fint om kompromisset. Av Sandnes- ordførar Stanley Wirak vart det formulert slik:

– Å ønske kompromisset velkoment, er vegen å gå no. Det er ikkje anten eller, men både og. Vi skal ha oljeverksemd og nye næringar, og dette skal gå hand i hand.

Slik ser forslaget frå Stavanger AP ut:

  1. Sikre aktivitet og verdiskaping fra petroleumsvirksomheten gjennom økt utvinning fra felt, utbygging av påviste ressurser og tildeling av nytt leteareal.
  2. Utrede nye ordninger for at mindre funn kan settes i produksjon og bli lønnsomme, herunder midlertidige lempelser i oljeskatteregimet.
  3. Etablere et europeisk sentrallager for CO2 i Nordsjøen. Norge skal være fremst i verden i utvikling av karbonfangst og lagring av CO2.
  4. Bedre insentivene for investeringer i eldre kraftanlegg, slik at man kan opprettholde og videreutvikle den store verdien som ligger i allerede utbygde kraftanlegg.
  5. Utarbeide en nasjonal plan for havvind for å etablere flytende havvind-anlegg i Norge.
  6. Stille strengere krav til oljeselskapene slik at mer av verdiskapingen blir igjen lokalt. Hovedregelen skal være at oppdrag blir i Norge, og ikke settes ut til utenlandske aktører.
  7. At staten blir en tydeligere eier og uttrykker klare forventninger til selskaper som Statoil om tilstedeværelse, verdiskapning og aktivitet i Norge.
  8. Etablere et nytt program for lavutslippsteknologi for olje- og gassektoren i samarbeid med næringen.
  9. Sette i gang en konsekvensutredning av petroleumsvirksomhet i Nordland 6, og avvente ny kunnskap om områdene i Nordland 7 og Troms 2 i forbindelse med revidering av forvaltningsplanen for havområdene utenfor Lofoten og Barentshavet.
  10. Åpne for soner frie for utnyttelse av petroleumsressurser, som ivaretar særskilt viktige områder utenfor Lofoten, Vesterålen og Senja.
  11. Stavangerregionen har landets fremste energiindustrielle miljø. I tillegg har vi et av de mest kompetente miljøene for aktiv kapitalforvaltning i Norden. Derfor bør det statlige investeringsfondet, Fornybar AS, lokaliseres til Stavanger.
Stormarkering mot oljeboring utanfor LofotenNatur og Ungdom: Sei nei til oljesøl i matfatet, Ap!
Publisert:
  1. Torstein Tvedt Solberg
  2. Klimapolitikk
  3. Energipolitikk
  4. Jonas Gahr Støre
  5. Natur og Ungdom

Mest lest akkurat nå

  1. Familien ble hjemløs etter brannen på Sviland: – Det er tusen praktiske ting som må ordnes når alt er borte

  2. Lauvik–Oanes-sambandet er innstilt

  3. – Omikron kan være veien ut av pandemien

  4. Kvinne mistenkt etter hendelse ved utested i Sandnes

  5. Frykter du ny korona­bølge? Nå kommer FHI med glad­nyhet

  6. Høyres angrep er både umusikalsk og lite forankret i egen politikk