Helgeintervjuet: Kor­leis er det å føla seg som eit anna kjønn enn det kroppen din ser ut som?

HELGEINTERVJUET: Korleis er det å føla seg som eit anna kjønn enn det kroppen din ser ut som? Det veit Molly Øxnevad ein heil del om.

– Sist me snakka saman heitte du Henrik?

– Ja.

– Men nå heiter du Molly?

– Det stemmer.

– Kva har skjedd?

– Eg kom ut som trans. Men eg føretrekkjer at du ikkje bruker det gamle namnet mitt.

– Kvifor ikkje?

– Fordi det er vanleg i transmiljøet å ikkje bruka det gamle namnet. Det er feilkjønning, og inneber at du ikkje respekterer min kjønnsidentitet.