Kåkå startar økonomifestival

Kåkå kverulantkatedralen startar haustsesongen med eit kritisk blikk på skulen denne veka. Men den verkeleg store satsinga i haust, er nyskapinga Kåkånomics i november.

Publisert: Publisert:

Når haustmørkret senkar seg, byr Kåkå kverulantkatedralen på diskusjonar på Sting nere. Foto: Pål Christensen

  • Jan Zahl
    Kulturjournalist
iconDenne artikkelen er over tre år gammel

– Over tid skal Stavanger vera kjent for ONS, Gladmaten - og Kåkånomics, seier Thomas Bø Andersen. Økonomen jobbar med Kåkå kverulantkatedralens nye millionsatsing, økonomifestivalen Kåkånomics, og har altså store ambisjonar. Ein økonomifestival - på høgde med oljekonferansen ONS? Gladmaten?

– Me har tenkt på å gjera noko på økonomi lenge, men me ville gjera det skikkeleg. Me vil inn i dei sentrale, økonomiske problemstillingane, både på individnivå og på samfunnsnivå, og me vil gjera det på ein måte folk forstår, seier Jan Inge Reilstad, dagleg leiar for Kverulantkatedralen, som skryt av å ha på trappene Nordens og Norges første økonomifestival.

Økonomi til folket!

Økonomifestivalen skal gå av stabelen 1. - 4. november. Han skal bestå av 40–50 programpostar fordelt på 5–6 scener rundt om i byen, og romma både folkelege og meir akademiske postar. Ideen fekk Reilstad frå Kilkenny, ein relativt liten irsk middelalderby med rundt 25.000 innbyggjarar. Men det er også arena for det som ifølgje grunnleggjarane skal vera verdas første og einaste økonomi- og humorfestival.

– Me skal ikkje laga ein kopi av Kilkenomics, men vår eigen variant. Me får besøk av internasjonale stjerner som britiske Paul Mason og kviterussiske Evgeny Morozov, av optimistar og pessimistar på vegne av kapitalismen. Me skal diskutera automatisering, digitalisering og framtid, seier Reilstad.

Frå Norge kjem folk som Kalle Moene og Mari Rege, samt politikarar som Tina Bru og Geir Pollestad.

Men økonomifestivalen ligg altså eit stykke lenger fram. Denne veka har Kåkå starta sesongen med temadagar om skule og skulepolitikk. Onsdag er Håvard Tjora i byen for å snakka om læraren, torsdag skal det handla om gutane, fredag om digitalisering i skulen.

Haustprogrammet på Kåkå er orientert rundt temaveker og faste samarbeid, som med Kapittel-festivalen i september og Schizofrenidagene i november. Kåkås Kapittel-bidrag, blir ei temaveke om islam, der blant andre syriske Adonis kjem for å snakka om korvidt islam kan reformerast. Adonis er ikkje optimistisk.

Og i slutten av november blir det temaveke om and og kropp.

Les også

Arundhati Roy til Kapittel

Til ungdommen?

– Då de presenterte vårprogrammet, skulle Kåkå satsa på dei unge. Korleis gjekk den satsinga?

– Me er nøgde, både med besøk og tilbakemelding. Samtidig er det jo krevjande å få til.

– Så nå blir de gamle igjen?

– Nei. Me lagar så mange ulike arrangement at det er veldig ulike folk som kjem. Men mykje av det me presenterer krev nok at du har tenkt deg litt om, at du er interessert i samfunnet rundt deg, kanskje at du har levd litt. Framfor alt tenkjer me kvalitet når me lagar programmet, ikkje alder, svarer Reilstad.

– Med tanke på Kåkå og økonomi: Korleis står det til med den vidare finansieringa av drifta dykkar?

– Stiftarane Kristoffer og Signe Anne Stensrud vurderer oss ein gong i året, og er med vidare. Fritt Ord er også inne, det same er Stavanger kommune. På Kåkånomics har me i tillegg fått inn eksterne sponsorar og samarbeidspartnarar som Lyse.

– Korleis går det med publikumsutviklinga - er det fleire eller færre som går på Kåkå?

– Me når lengre og betre ut, så den utviklinga er positiv.

– Har du nokre tal å by på?

– Ikkje i hovudet. Men me har rundt 100 arrangement i året, aukar med Kåkånomics i haust, og så kjem det rundt 60 publikummarar kvar gong. Så er det bare å begynna å rekna.

Publisert:

Les også

  1. Jan Zahl: Gi blaffen i dei unge!

Mest lest akkurat nå

  1. Samferdselsdepartementet går for den røde streken på kartet

  2. Fire nye smittetilfeller i Stavanger

  3. – De kaller det tidenes funn i Norge

  4. – En helt fantastisk løsning i disse krisetider

  5. Er god for nesten 3 milli­arder: Sørlendingen har tredoblet formuen

  6. Pizzabakerens hemmelighet

  1. Økonomi
  2. Stavanger
  3. Kåkå kverulantkatedralen
  4. Fritt Ord
  5. Jan Inge Reilstad