Permitteringar og kronerulling for TV Vest

TV Vest merkar koronakrisen på annonsesalet. Dagleg leiar Jørund Kopren håper permitteringar, kronerulling på Spleis – og nokre nye idear – skal halda kanalen flytande.

Publisert: Publisert:

Også Jørund Kopren i TV Vest merkar koronakrisen. TV-kanalen har permittert tilsette og starta kronerulling på Spleis. Foto: Kristian Jacobsen

  • Jan Zahl
    Kulturjournalist
iconDenne artikkelen er 103 dager gammel

Informasjonen i artikkelen kan være utdatert. Gå til vårt direktestudio for siste nytt om korona-utbruddet.

-> Gå til direktestudio

«Støtt din lokale TV-kanal: TV Vest Rogaland. Midlene går med til å holde din tv-kanal flytende i en krevende periode.»

Slik – og med eit bilete av tv-profilen Veronica Simoné Fjeld – inviterer TV Vest folk til å bidra på den nettbaserte kronerullingstenesta Spleis.

– Me prøver å vera litt proaktive, seier Jørund Kopren, dagleg leiar TV Vest.

Vanskeleg annonsesal

Den lokale tv-kanalen er – som så mange andre – råka av koronakrisen. Kopren har ikkje oversikt over kor mange annonsekroner som nå er borte. Men han merkar at det er vanskeleg for annonseseljarane å få tak i folk, at den langsiktige prosessen det er å skaffa annonsar til tv, har stoppa opp. Derfor har han permittert alle seljarar i TV Vest i 80 prosent.

– Redaksjonen er permittert i 50 prosent, slik at halve staben er på jobb om gongen. Skal du laga tv, er du nesten nøydd til å vera på plass. Men alle kan ikkje vera på jobb samtidig, seier Kopren.

Mens avisene lever stadig meir på abonnentar, står annonsar for nesten alle inntektene for gratiskanalen TV Vest.

– Me starta innsamlingsaksjonen på Spleis som eit forsøk på å sjå kva folk er villige til å bidra med når situasjonen er slik han er nå. Me sender jo gratis, 95 prosent ser oss på lineært TV. Informasjonsbehovet er stort, slik avisene merkar nå. Men me får ikkje nokon automatisk vekst i inntekter eller abonnentar om me lagar meir tv. Så nå må me laga meir tv med halvparten av folka våre på jobb, seier Kopren.

Les også

Myndighetene ba om en analyse av de økonomiske konsekvensene av å holde folk hjemme. Så fattet de beslutningen uten å vente på svar.

Drift i pluss

TV Vest har gått i pluss i alle dei fem åra dei nå har drive etter at Kopren og Co tok over i 2014.

– Sjølv om det har gitt oss noko likviditet, er det ikkje nok til meir enn nokre månader før midla er tapt – om me ikkje har inntekter. Dermed må me sjå på andre måtar å jobba på, andre måtar å få inn pengar på. Me veit ikkje heilt korleis det går. Det er heilt umogleg å seia kor lenge me toler dette, seier Kopren.

Målet i spleisen er ikkje all verda, berre 25.000 kroner. Aksjonen blei starta før helga. Søndag ettermiddag hadde det kome inn rundt 10.500 kroner.

– Me får kjempegod respons frå folk. Men det er jo ein liten spleis og små summar. Held me denne farten på pengane, vil ikkje skipet bera. Me kan ikkje halda skuta flytande med plaster. Men alle monnar drar.

Nå håper Kopren koronakrisen ikkje varer for lenge, og at det som har gått fort ned kjem fort opp igjen.

– Men varer dette lenge, må me enten finna ei ordning eller låna likviditet. Det liker eg ikkje, for låning er å skyva problemet framover i tid.

Scene Vest

Men om det er trøbbel på inntektssida, er det ikkje mangel på innspel.

– Det manglar ikkje på folk som gjerne vil på tv for tida. Eg har fått mange telefonar frå artistar som treng eit publikum og som vil finna på noko saman med oss, seier Kopren.

Dermed kan ein tanke dei lenge har tenkt på materialisera seg nå, nemleg «Scene Vest».

– Me har tenkt på å tv-senda artistar som treng eit publikum, med ei Vipps-ordning. Dei spelar på eitt vis for døra. Det blir spennande å sjå kven som har lyst til å vera med på det, seier Kopren.

Planen var å koma i gang med «Scene Vest» i helga, men nå startar rigginga måndag og så er den nye planen å vera i gang frå tysdag.

– Det kan like gjerne vera tryllekunstnarar, komikarar, nokon som les frå ei bok, revy eller nokon som målar eit bilete. Men dette er altså utfordringa vår: Å kombinera at me har permittert folk, samtidig som me tek var på dei gode ideane og initiativa som dukkar opp. Og så må me finna ein inntektsmodell for oss sjølv også i dette.

Bingo frå Tasta

Koronaen har altså fått også TV Vest til å måtta tenkja nytt.

– Me har til dømes karantenebingo nå.

– Ja vel?

– Ja. Bingoverten vår er i koronakarantene. Så han har fått dumpa opptaksutstyr på trappa, og driv nå bingo frå Tasta, seier Kopren, som held motet opp, trass alt:

– Det er jo ille, det som skjer nå. Men me må gjera det beste ut av det.

Publisert:

Korona-viruset

  1. Kjæresten til Donald Trumps eldste sønn koronasmittet

  2. En person innlagt med korona på SUS

  3. – Vi har en ordfører som er på lag med Stavangers næringsliv

  4. – Neste sommer finnes ikke for alle eldre heller

  5. Han skulle lage et hjerte, så gikk det alvorlig galt

  6. Stavanger Høyre setter jobb til mor og far først!

  1. Korona-viruset
  2. TV
  3. Koronaviruset
  4. Annonser