Haugesund teater til London
22. september er Haugesund teater invitert til The Globe i London for å visa utdrag frå sin «En midtsommernatts drøm».
«En midtsommernatts drøm», slik Haugesund teater presenterer den.
- Jan ZahlKulturjournalist
Både Rogaland teater og Haugesund teater set opp kvar sin versjon av Shakespeares «En midtsommernatts drøm» i haust. I Stavanger blir det premiere 4. september, mens Haugesund opnar ballet 24. oktober.
Men før den tid skal Haugesund teater visa utdrag frå oppsettinga si på The Globe i London 22. september. «En flott måte å vise publikum og bransje at man kan få til store ting på de små teatrene!» skriv Haugesund teater i ei pressemelding.
Haugesundsvarianten av Shakespeares mest spelte komedie kombinerer fiolinisten Bjarte Eikes internasjonalt anerkjente musikkensemble The Alehouse Sessions med eit skodespelarensemble som blant andre inkluderer Kristian Berg Jåtten frå Stavanger.
