– Leksehjelp i SFO kan føre til lengre skulekvardag

STAVANGER: Det var mange innvendingar mot Ap sitt SFO-forslag i kommunalstyret for oppvekst, men politikarane er samde i at det trengs ein gjennomgang.

Sara Mauland (Raudt) var kritisk til Ap sitt forslag om leksehjelp i SFO.
  • Birgitte Flote
    Birgitte Flote
    Journalist
Publisert: Publisert:
iconDenne artikkelen er over tre år gammel

Under kommunalstyret for oppvekst onsdag, ba Ap om ei større sak som ser på korleis Stavanger kan få eit jamnare SFO-tilbod.

– Ein betaler det same for SFO i Stavanger, men får ulikt tilbod. Det er det denne saka handlar om. Alle skal ha like sjansar, sa Dag Mossige (Ap) då han la fram forslaget.

Fleire heiltidsstillingar, auka pedagogisk kompetanse blant dei tilsette, eit betre mattilbod og leksehjelp er blant punkta dei vil at rådmannen skal vurdere (sjå heile i faktaboks).

Eit samrøystes kommunalutval vedtok dette, men mange hadde likevel innvendingar.

– Stiller Ap med leikepengar?

Aller mest kritisk var Kristoffer Sivertsen (Frp).

– Kor meiner Ap vi skal ta desse pengane frå? Stiller dei med leikepengar, vil dei auke eigedomsskatten eller sende rekninga til foreldra? Og så lurer eg på korleis dei meiner vi skal sørge for fleire pedagogar. Har dei tenkt å gjere læraren sin travle kvardag enda travlare ved å be dei jobbe enda lengre dagar? Intensjonen er nok god, men det er ein del lause trådar her, sa han.

Mossige uttalte førre veke at Ap ikkje vil utelukke at lærarar må bidra med leksehjelp i SFO, men sjølve forslaget seier berre at dei vil ha pedagogar til å stå for leksehjelpa. I dag er 59 prosent av dei tilsette i SFO i Stavanger ufaglærte.

– Det er ikkje måte på kor mange problem Frp klarer å kome på. Eg tar utgangspunkt i at situasjonen ikkje er god nok i dag, og eg høyrer ikkje at Frp uttrykker nokon som helst bekymring for dette. Vi kan ikkje vente at vi skal ha svara klare før vi har stilt spørsmåla, men eg trur ikkje Frp er særleg innstilt på at vi skal stille desse spørsmåla, svarte Dag Mossige.

Les også

SFO-leiaren er mest opptatt av borna si fritid

Les også

Over halvparten av SFO-tilsette i Stavanger er ufaglærte. Ap vil ha store endringar

– Vi vil ha leksefri skule

Fleire hadde innvendingar mot leksehjelp.

– Raudt ønsker ein leksefri skule. Eg fryktar vektlegging av leksehjelp i SFO i realiteten gir ein lengre skuledag. Men eg har ingenting imot at vi får ei sak på SFO, så får vi heller problematisere dette når vi har fakta på bordet, sa Sara Mauland (Raudt).

Anne Kristin Vik Bruns (KrF) er ikkje samd i at skulefritidsordningane bør få mat levert frå storkjøkken. – Noko av poenget med mat på SFO, er at borna saman får lage denne maten saman, sa ho.

Også Anne Kristin Bruns (KrF) er skeptisk til leksehjelp gjennomført av pedagogar, og stilte spørsmål ved korleis ein skal klare å gjennomføre dette med tanke på at det er mangel på pedagogar elles i skulen. Bruns var dessutan kritisk til Ap si formulering om mattilbodet.

«Her bes om en særskilt vurdering av å benytte Stavanger kommunes storkjøkken på Stokka, som i dag leverer høykvalitets varmmat, til levering av mat til SFO», heiter det i forslaget frå Ap.

– Noko av poenget med mat i SFO, er at borna saman får lage denne maten. Så kan vi heller sjå på kva type mat det kan vere, men matlaginga er ein del av heile opplevinga med SFO. Dei skal lære seg desse tinga, sa ho.

Innvendingane til trass, samtlege parti stemte for å be rådmannen legge fram ei større sak om SFO. Før dette blei vedtatt, gjorde politikarane ei endring i forslaget. Punktet om å få ei hyppigare rullering av Kvalitetsplan for SFO blei endra til at ein ønsker at SFO heller skal bli behandla i Kvalitetsplanen for skulen.

Les også

  1. Rådmannen skal vurdere fleksibel skulestart

  2. Vil la fleire born starte på skulen når dei er fem og sju år

  3. Store skilnader mellom born fødde tidleg og seint på året

  4. Denne middagen koster 39 kroner - konkurrenter krevde mer en dobbel pris

  5. Dette er nytt på skolene fra denne høsten

Publisert:
  1. Kristoffer Sivertsen
  2. Dag Mossige
  3. Sara Mauland
  4. Anne Kristin Bruns
  5. Kommunalstyret for oppvekst, Stavanger

Mest lest akkurat nå

  1. For 30 år siden skremte denne gjengen vannet av foreldre og rektorer i Sandnes

  2. Kommuuuuuuuuuuuuunen!

  3. Avhørte vitner kan ha husket feil

  4. Slik så det ut ved Vålandstårnet i kveld

  5. Stor test av 15 brød: To får toppkarakter

  6. To Viking-talenter tatt ut på landslaget