Rovdyr tok 396 rogalam

Sauebønder i Rogaland har fått knapt 600.000 kroner i erstatning etter at jerv, ørn og gaupe forsynte seg av husdyr på sommerbeite.

Denne artikkelen er over fem år gammel

Beitesesongen i Rogaland vart i 2016 prega av større tap av lam og sauer enn vanleg. Fylkesmannen har fått 29 søknader om erstatning. Bøndene søkte om erstatning for 285 dyr tatt av jerv, 65 dyr tatt av kongeørn og 46 dyr tatt av gaupe. Totalt er det søkt erstatning for 396 lam/sauer drepne eller skada av store rovdyr, skriv fylkesmannen på sine heimesider.

Flest søknader kom frå sauebesetninger på beite i Bjerkreim, Suldal og Odda kommunar. Resten kom frå Eidfjord, Eigersund, Gjesdal, Hjelmeland, Sirdal og Vinje.

Statens naturoppsyn har undersøkt 82 kadaver som er mistenkt drepne av freda rovdyr. Av desse er 16 lam dokumentert som truleg drepne av jerv i Suldal kommune. 14 lam og ein sau er truleg drepen av kongeørn i Bjerkreim, Eigersund, Sokndal og Vindafjord kommunar. Eitt lam er truleg teke av gaupe i Gjesdal.

Dei andre sauene er anten drepne av hund, rev, ikkje rovdyr, ulykke, sjukdom, eller at det er ein usikker årsak.

I tillegg er det 47 lam frå Rogaland som er dokumentert som truleg drepne av jerv i Odda kommune. Eitt lam er dokumentert som truleg drepe av gaupe i Etne kommune og ein sau som er dokumentert truleg drepen av kongeørn i Hol kommune.