Legevaktsjefen i Stavanger sluttar

Nina Horpestad sluttar som legevaktsjef og blir rådgivar i Utdanningsforbundet, melder Stavanger kommune. Etter halvanna år på legevakta er det på tide å skifte beite.

  • Elsa Di Valerio
    Journalist
  • Julie Teresa Rege Olsen
    Journalist
Publisert: Publisert:
– Det er ei tid for alt. No er det tid for å lytte til hjartet og returnere til fagforeiningsarbeidet, seier legevaktsjef Nina Horpestad. Foto: Jarle Aasland / Stavanger Aftenblad

Horpestad har leia legevakta i Stavanger i halvanna år. Ho hadde vore fylkesleiar i Norsk Sykepleierforbund i 13 år før ho gjekk inn i stillinga som verksemdsleiar for legevakta.

– Då stillinga i Utdanningsforbundet blei lyst ut kunne eg ikkje la sjansen gå frå meg. Det er ikkje ofte denne typen stilling blir lyst ut her i regionen, seier Horpestad i pressemeldinga.

Etter 25 år i fagforeininga var ho klar for å prøve seg i kommunal sektor, og så for seg at dette skulle vere den siste arbeidsplassen hennar fram til pensjon. Men noko kjentest ikkje heilt rett.

– Kvifor går du av etter berre halvanna år i stillinga?

– Etter at det var streik i fjor var det nok noko som trigga eit segment i meg som eg sakna. Eg måtte ta nokon diskusjonar med meg sjølv og berre innrømme at hjartet mitt ligg i fagforeiningsarbeidet.

Horpestad har varsla at ho vil tilbake til ein jobb som i fagforeininga og blir no rådgivar for Utdanningsforbundet.

Sjølv om første arbeidsdag på legevakta var midt i pandemien, har ikkje arbeidsmiljøet eller oppgåvene hatt noko å seie på trivselen.

Horpestad har trua på at folka som kjem etter ho skal bringe arbeidet på legevakta vidare i framtida.

Les også

  1. Vil ha sykepleierne til å jobbe annenhver helg

  2. Legevakten: – Ring heller fastlegen om syke barn

  3. Ingen ledige pasientlister i Sandnes og få i Stav­anger: – Situasjonen er skandaløs

Publisert:
  1. Stavanger
  2. Utdanningsforbundet
  3. legevakt

Mest lest akkurat nå

  1. To personer omkom i MC-ulykke i Gjesdal - veien er stengt

  2. Lastebilsjåfør promillekjørte i Risavika

  3. Flyselskapene ber folk møte som normalt likevel

  4. Her kommer Tom Erik Halvorsen i mål etter å ha løpt i 20 timer, 39 minutter og 52 sekunder

  5. Gjøran fra Stavanger driver bar i Magaluf: – Plassen har et ufortjent dårlig rykte

  6. Som 15-åring laget Anna-Kristine fra Stavanger sitt eget klesmerke. Nå er hun designer