– Ein snill lege er ikkje alltid det same som ein flink lege

Sjølv har Kåre Reiten, mangeårig fastlege i Stavanger, eit avslappa forhold til kva som står om han på denne rankinglista.

- Eg har vore inne ein gong og lese noko av det som stod der. Det var nok til å konkludera med at Legelisten ikkje er nokon god rettleiar for dei som søker råd om kva fastlege dei bør velja. Her er det meste svart-kvitt, anten blir legen slakta eller rosa opp i skyene, seier Reiten.

Reiten meiner det er svært vanskeleg for ein pasient å vurdera kor fagleg dyktig ein lege er.