Sleivspark av Omdal om utsjånaden til Trump

DEBATT: Sosiale medium fløymer over av latterleggjering av den amerikanske presidentens utsjånad. Eg blir like overraska kvar gong. Eg klarer ikkje forstå at vaksne folk synest det er greitt å hetse korleis han ser ut?

Debattinnlegg

  • Heidi Elin Nupen
    Sandnes
Publisert: Publisert:
iconDenne artikkelen er over ett år gammel

I Fripenn laurdag 2. mai, skriv Sven Egil Omdal om politikaren Jon Helgheim, og trekker parallellar til Donald Trump. Eg deler Omdals synspunkt, men reagerer på følgjande: «Ennå har han ikke sprayet ansiktet oransje og håret uringult …»

Eg forstår at det er humor og at slike ord vert brukt for å få oss til å trekke på smilebandet. Men når vart det greitt å bruke nokons utsjånad for å latterleggjere? Trumps meiningar, løgner og utsegner skulle vere nok.

Lettare fordi Trump er langt unna?

Og ville Omdal ha spelt på utsjånaden på ein slik måte med ein politikar i Stavanger? Eller kanskje er det lettare å bruke slike karakteristikkar fordi Trump er langt unna og mest sannsynleg ikkje les Stavanger Aftenblad så ofte?

Eg prøver heile tida å gjere ungane mine medvitne på distinksjonen mellom kva ein person seier og gjer, og korleis personen ser ut. I dei aller fleste tilfella har utsjånaden ingenting med saka å gjere.

Og Omdal er dessverre i «godt» selskap. Sosiale medium fløymer over av latterleggjering av den amerikanske presidentens utsjånad. Eg blir like overraska kvar gong. Eg klarer ikkje forstå at vaksne folk synest det er greitt å hetse korleis han ser ut? 

Respekt for andre

Når Trump steller seg på badet om morgonen, tenker eg at han fiksar seg slik han sjølv er mest komfortabel med – i likskap med dei fleste andre. Vi skal ha respekt for korleis andre ser ut, og heller bry oss om korleis vi er mot kvarandre.

Les også

  1. «Stopp verden, noen vil av!»

Publisert:
  1. Debatt
  2. Trump
  3. Sven Egil Omdal

Mest lest akkurat nå

  1. Går av som statsråd og partileder

  2. Se Brodd, Hinna, Sola og Madla her

  3. Ropstad har betalt minst 680.000 kroner for lite skatt på pendlerboligene

  4. Jærbuen var midtpunktet som alltid fikk ja - helt til han ville adoptere et barn.

  5. To personer skadet og seks biler involvert i trafikkulykke i Klepp

  6. Her skal 8–10 boliger selges med 15 prosent rabatt