For slapt - igjen

AFTENBLADET MEINER: Kapital har igjen lagt fram likestillingsbarometeret sitt. Og igjen viser det at børsnoterte selskap har altfor få kvinner i toppen. Det er for slapt.

Politikk er eitt av lyspunkta når det gjeld å sleppa kvinner til topps. Her ved statsrådane Iselin Nybø og Tina Bru. Foto: Kristian Jacobsen

  • Leder
Publisert: Publisert:

20 av totalt 255 selskap på Oslo Børs blir leia av ei kvinne, ifølgje Kapitals likestillingsbarometer. På Oslo Axess, som er dominert av vekstselskap, finst det ikkje ein einaste kvinneleg sjef. Lyspunkta finn vi i statseigde føretak, offentleg sektor, politikk og organisasjonsliv. Men også der finst det rom for forbetringar - det er ikkje spesielt imponerande at helseføretaka er nede på 25 prosent kvinnelege leiarar.

Er det stivbeint stadig å spørja etter fleire kvinner? Eit mas som fører til at kjønn trumfar kompetanse, og dyktige menn blir satt utanfor?

Sidan det alt er børs og pengar det er snakk om, kan vi halda oss i det landskapet. Næringsminister Iselin Nybø viser til studier som tyder på at bedrifter med mangfaldig samansett toppleiing både tener betre og har eit konkurransefortrinn. Toppsjef Tine Wollebekk i Bank Norwegian trekkjer fram at samfunnet satsar store ressursar på å gi kvinner og menn høg utdanning, då må vi også få full utteljing tilbake. Kristin Skogen Lund, toppsjef i Schibsted, meiner likestilling i bedrifta ikkje berre er eit teikn på modernitet, men også av fleire og fleire blir oppfatta som eit teikn på berekraft. Og selskap som framstår som lite moderne, lite berekraftige og i utakt med tida, vil risikere å tapa i marknaden, fordi det gir forbrukarane ein grunn mindre til å gå for akkurat det selskapet.

Les også

Ny studie: Det kan være ti ganger så lønnsomt å ha kvinner i ledelsen

Les også

Leder om mangfold: – Velger vi de samme type ledere vi har hatt til nå, risikerer vi at jorden går under

Kultur- og likestillingsminister Abid Raja minner om at når næringslivet lykkast på andre område, er det som regel fordi ein har satsa målretta.

Både DNB og Hydro har kvinnelege administrerande direktørar. Elin Hurvenes, rutinert rekrutterar til styrer internasjonalt, påpeikar at dette er selskap som nettopp har jobba målretta, ved å satsa på å utvikla, motivera og halda på sine kvinnelege topptalent. Ho meiner det tar minst ti år å utvikla ein leiar til administrerande direktør.

Når eit område krev varig endring i tenkemåte og vanar, bevisste og ubevisste, er målretta innsats over lang tid heilt grunnleggjande for å lykkast.

Så kan ein leggja til at bedrifta sjølvsagt står sterkare og har tilgang på fleire syn, eigenskapar, nettverk, kunnskap, samfunnslag og innfallsvinklar, viss toppleiinga er meir mangfaldig samansett. Å passa på at ein ikkje rekrutterer frå berre halvparten av folket, er ein nødvendig start.

Det går på tillit. Det er vanskeleg å tru på ei bedrift som synes ute av stand til å ta opp i seg tida dei lever i.

Les også

  1. Yrja Oftedahl fra Stavanger har åtte gode råd

  2. Bra blir det ikke før RBK Kvinner er gravlagt

  3. Kvinnelige økonomer med barn er lønnstapere – eksperter peker på mammapermisjonen

  4. Norge henger langt etter Sverige i andel kvinnelige prester

Publisert:
  1. Kristin Skogen Lund
  2. Likestilling
  3. Schibsted
  4. Bank Norwegian
  5. Iselin Nybø

Mest lest akkurat nå

  1. 15-åring knuste rekorden til Jakob Ingebrigtsen

  2. Selger fritidseiendom for 40 millioner kroner

  3. Eid-feiring: – I dag er det forbudt å faste

  4. Hvor har det blitt av radaren på Lifjell?

  5. Stavanger og Sandnes får like mange doser som planlagt

  6. Bil med falske skilter stakk av fra politiet