Sandnes bryr seg

LEIAR: Når Sandnes fornyar Ruten, skal også brukarane av Benken med. Det er ein fin ting.

Kenneth og Sigvor er faste brukarar av Benken på Ruten. Denne veka fekk dei koma med innspel til den nye Benken. Hunden heiter Scott.
  • Stavanger Aftenblad
Publisert: Publisert:
iconDenne artikkelen er over ett år gammel

Alle byar har ein benk. Ei «open russcene» som det heiter på kommunalt, staden der rusavhengige i byen samlast og møter kjende. Helst ein stad som kjennes trygg, både for dei som bruker benken, for hjelpefolk frå kommune eller bymisjon, og for folk som går forbi.

Les også

Kommunen bygger nye «Benken» for rusavhengige

I Sandnes har benken alltid vore på Ruten. Det er ein benk med tak over. Nå blir heile Ruten ny, med skatepark og leikeplass og matvogn på spansk. Barnefamiliar har alt inntatt plassen, sjølv om ikkje alt er heilt ferdig ennå.

Ein ny benk er blant tinga som ikkje ennå er på plass. Men planane er der, og denne veka fekk brukarane sjølv koma med innspel. Den nye benken skal gi ly for ver og vind og utsikt til alt som skjer. Brukarane ønskte seg også lys, søppelspann, oskebeger og toalett. Detaljane frå kommunen blir klare i august.

Det burde kanskje vore sjølvsagt at dei som styrer i ein by kjenner at også benken og dei som bruker den, er ein del av byen. At dei difor ikkje berre skal reknast med når byen fornyar seg, men bli snakka med.

At Sandnes tar med seg Benken når Ruten endeleg fornyar seg, gir tillit til at byen bryr seg.

Det har ikkje vore så sjølvsagt. Sandnes har lært av Bergen. Der blei den opne russcena i Nygårdsparken stengd ned i 2014. Dei som hadde brukt parken, laga si eigne, opne russcene, men i ein mørk undergang. Det enda med meir vald og overdosedødsfall blant dei. Bergen kommune laga så ein ny plass, til 14 millionar kroner, men blei kritiserte for ikkje å ha lytta til brukarane før dei gjorde det.

Plata ved Oslo S blei også tømt for rusavhengige i 2011. Altfor mange samla seg. Som i Nygårdsparken, blei staden attraktiv for utanlandske narkolangarar, for omsetjing av tunge stoff, og for nye brukarar.

Nå er Sandnes ein vesentleg mindre by enn både Oslo og Bergen, og trekkjer heller ikkje til seg like mange frå stadene rundt. Benken på Ruten har heller aldri fått same stempelet på seg. I følgje to av dei som høyrer til på benken, Sigvor og Kenneth, kjenner dei seg trygge, og meiner at også sandnesfolk flest kjenner det er trygt å gå forbi. «Elles ville dei gått omvegar forbi, og det er det ingen som gjer,» seier Sigvor til Aftenbladet.

At Sandnes tar med seg Benken når Ruten endeleg fornyar seg, gir tillit til at byen bryr seg. Sjølv om ingen trur dette løyser alle problem for utsatte grupper i Sandnes, er det til å bli glad av. For det er vel litt med byar som med folk - ein får tillit til dei som viser seg meir opptekne av å bry seg enn av sjølv å imponera.

Les også

  1. Truer med nedleggelse av Bedriftshotellet

  2. Wiraks nødvendige snuoperasjon

  3. «Bente» (57) har mistet datteren og holdt på å dø i påsken. Da blir ikke korona det store

  4. Rune Skøyen sitter gjerne på «benken»

Publisert:
  1. Rusomsorg
  2. Nygårdsparken
  3. Ruten
  4. Sandnes

Mest lest akkurat nå

  1. Maria fikk nesten ikke puste da hun trente. Hun fikk diagnosen mange har, men få kjenner til.

  2. Kom hjem til endevendt hus i Stavanger

  3. Én måned siden gjenåpningen – slik har det gått

  4. Halvparten av pasientene med forkjølelse er tre år eller yngre

  5. Frisk 33-åring. Bør jeg ta influensavaksinen?

  6. Denne boligen i Sandnes kan vinne en helt spesiell pris