Tidligare Hødd-profil er tilbake igjen - ny keeper også klar

Robin Shroot har signert ei toårskontrakt med Hødd.

Denne artikkelen er over ett år gammel

I dag blei det klart at Robin Shroot er tilbake i Hødd igjen etter to år i andre klubber. Han har signert ei toårskontrakt.

- Eg har alltid sagt at dette er klubben i mitt hjerte, og det å ha på meg Hødd-drakta og spele for klubben igjen sett eg veldig høgt. Som ein av dei eldre spelarane på laget, håper eg å inspirere og påverke dei rundt meg til å ta nye steg, både på og utan for bana. Eg håper sjølvsagt å gjere det bra sjølv, men eg ønskjer også å vere med på å skape eit godt miljø i spelargruppa no når klubben er i gang med å bygge eit nytt og slagkraftig lag igjen, seier Shroot i ei pressemelding frå klubben.

Etter at Shroot var ferdig i Hødd, gjekk turen til Viking og Nashville SC i USA.

– Sist gang eg var her jobba eg mykje med jente - og damefotballen i Hødd, og dette var heilt spesielt for meg. Eg håper derfor å bidra så mykje eg kan i tida framover, seier Shroot.

Hødd har også vore på jakt etter ein ny keeper ettersom Jan-Lennart Urke ikkje blir med for fullt i år. No har Vegar Granvold Berntsen signerte ei kontrakt ut 2019-sesongen.

- Vegar har vore på besøk med oss to gonger i vinter slik at vi har blitt bedre kjent både på og utafor bana, no har vi blitt enige om ei kontrakt ut 2019-sesongen, seier sportssjef André Nevstad.

Granvold Berntsen kjem frå Elverum Fotball.

- Eg er veldig fornøgd med å bli Hødd-spelar. Det har vore ein lang prosess, men begge partane har vore tolmodige og no ser eg fram til å bli ein del av laget. Ole Monrad er ein god keeper og eg håper vi kan «pushe» kvarandre på trening slik vi tek nye steg begge to. Det å ha konkurranse om plassen er berre sunt og er noko eg er vandt med frå tidlegare klubbar, seier Hødd sin nye keeper.